الرتن اي للجسم؟؟

الرتن اي كريم مقشر ويحتاج تستعملي معاه الخلطه حقته الالدوكين فور والثاتي نسيت اسمه تبع الكرتزون عشان ما يسبب حساسيه .
بعدين المناطق الي انتي تحتاجيها كبيره .. مو بسيطه فانصح حبيبتي تعملي برنامج لجسمك كله ليوحد اللون بدون اللجوء لاستعمال المقشر ..

اولا : السلام عليكم ورحمة الله وبركاته

وثانيا: على البركة

ونصيحتي لكِ
اسبوع كامل لا تستخدمين اي شيء ما عاد الفازلين لكل جسمك وقت تجين تناميين
الفازلين العادي لكل جسمك ونامي بمكان مافي ضوء

ولا قعدتي تروشي وغسلي جسمك بصابونة الغار او صابونة البابايا تفركينهم ب الليفه المغربيه
وبعد كذا استخدمي المقشرات الطبيعيه مثل ملح الحليب او اسبا بلبابايا تلاقينهم عند العطار
ولازم لوشن مرطب مثلا زبدة الكاكاو او زبدة الشياا

وبعد هالاسبوع ان شاء الله جسمك تخلص من الخلطات السابقه

وادخلي هالموضوع و شوفي هالطريقه لمقشر طبيعي
http://forums.3roos.com/3roos259667/
اختي يوم انها نفاس جربته وخلال ٢٠ يوم تفتحت ارقبتها وجسمها بشكل خفيف بس هي ماقدرت تكمل لانها عمليه ووكذا فتعبت

وبعد هذي الخلطه
http://forums.3roos.com/3roos187460/
جربتها اختي مع اللي فوق

و خلطة فيتاميين سي يمدحونها بس تنبيه : مو لاكثر من شهر يعني شهر و اسبوع او اسبوعين وقفي وارجعي لها

لان قريت ان كثرتها ترقق الجلد وانتبهي لا تفكرين انك تاخذين الفيتامين عن طريق الفم لان فيتامين سي قوي

لا تنسيييييييييين اهم شيء اهم شيء اهم شيء الترطييييييب ولا راح يروح تعبك على الفاضي
جربي لوشن جرجنز للتفتيح او لوشن بيزلـــين. - او جربي شهر هذا و شهر هذا



وهذا ركن بنت عذاري خلطاتها مضمونه بآذن الله
ركن جمالك والطبيعه مع بنت عذارى - منتديات عروس


واهم شيء يا اختي قبل كل شيء النوم الصحي نامي بدري ع ١٢ او ١ واقعدي للصلاة صلي وارجعي نامي ساعتين ثلاث وقومي بدري ع ٨ او ٩
هالشي يساعد على الراحه النفسيه وصفاء البشره
و النفسيه تكون مرتاحه لا تتوترين كثير يآثر على بشرة وجهك


وحاولي كل اسبوعين مثلا تروحين لمشغل مضمون و سوي عندهم برنامج للجسم كامل
حمام مغربي " بس طبعا اغراضك معاك الليفه والفوطه واللخ ....والصابون خليه عليهم - ولا تنسين البديكير والمنيكير لليديين والرجليين

وخلي اكلك صحي ---- اذا تقدرين كل يوم اشربي ماء ورد مخفف بماء فاتر كل يوم كوب
وابحثي بالنت عن هالفؤائد قبل تجربين ابحثي وشوفي

وحاولي الصباح اول ما تصحين اشربي ليمون مخفف

الطريقه : حطي بعلبة موية صحه كبيرة ليمونه معصوره و قطعي قشور الليمونه لشرائح
و حطيها بالعلبه واتركيها لمدة نص ساعه واشربي طول اليوم

وحاولي تاخذين ملعقة عسل يومياً مُخففه بماء دافي مثلا خوذيها العصر او فترة الضحى يفيد للبشره والشعر والصحه والنفسيه

وايضاً حاولي تسوين تقشير للبشره كل اسبوع مره بمقشر المشمش ..

http://forums.3roos.com/3roos172935/



وممكن تجربين خلطة السدر للجسم

وينفعك بعد لو شريتي كمية كبيره تستخدمينه لشعرك
هذي تجارب البنات من النت

للجسسسم

عن تجربة السدر ممتااااز لتوحيد البشرة ..

انا اخلطه مع حليب بودرة وشوية موية ورد واخليه على جسمي شوية وبعدين افركه..


انا لي سنة تقريبا استخدمه وما شفت منه اي ضرر..
الله يرزقك بكل ما تتمنيه..
ــــــــــــــــــــــــــــــــــــــــــــــــــــــــــــــــــــــ
السدر بالمرررهـ روعه للشعر<< يكثف الشعر
بالنسبه للبشره يفتحه انا اسوي ماسك بالسدر لبشرتي مرتين تقريبا بالأسبوع يصفي البشره ويخليها منوره
الله ينور وجيهكم بالايمان والطاعات والاعمال الصالحه ياارب
ــــــــــــــــــــــــــــــــــــــــــــــــــــــــــــــــــــــ
خواتي الغاليات ...


انا اليوم بعلمكم عن خلطه (بودره السدر ) حتى توحدون لون بشره


الجسم والوجه وتكون صااااافيه تماما من اى بقع ...


انا استخدمتها قبلكم قبل شهور بالتحديد في رمضان لما الجو كان


بارد واستخدميتها اسبوعين بس كنت مداومه عليها تعرفون اختكم


دريم بالها طويل في هالشغلات بس يشهد رب العالمين ان لون


جسمي صار وااااااااااااااحد ولا بقعه رجعتلي لليوم الحمدلله ...


والله يا بنات ان كنت دايما بعد ما اطلع من الحمام اقول في خاطري


سبحان الله كل هذا يطلع في السدر معقوله يسحب اللون الداكن


للبقعه من داخل طبقات الجلد وتختفي تماما في فتره بسيطه فعلا


سبحان الله ...


اعرف يا خواتي انكم ما بتذكرون كلامي الا يوم بتشفون ان اللون


الداكن اللي بين الفخوذ الداخليه والمناطق الحساسه بالذات كيف


صارت تتفتح عليكم من ثاني استخدام وفوق هذا كله جسمكم


بيصير ملمسه ناااااااااااااااااااعم وكلنا نعرف ان اي طبقه على سطح


البشره اذا تتجدد لازم يصيبها نوع من الجفاف لكن السدر مستحيل


بيسببلج اي نوع من الجفاف اثنا تجدد الطبقات السطحيه لبشره


الجسم او الوجه ... جربوا وانتوا احكموا.


مقادير الخلطه :-


3ملاعق كبيره من بودره السدر( بتحصلون بودره السدر عند العطار و


المحلات الايرانيه).


2 ملاعق كبيره من بودره اي حليب مجفف مثل نيدو


كوب كبير من الماء متوسط الحراره (لازم يكون الماي دافي


وحارشوي عشان المسامات تتفتح وتمتص الخليط )


اخلطواالمقادير مع بعضها لين ما يصير عندكم مزيج شبه سائل مب


عجين انتبهوا(مزيج شبه سائل)


وزعوا الخليط السائل على كامل بشره الوجه والجسم لفتره نص


ساعه ( تقدرون توقفون جدام المكيف عشان تجف الخلطه بسرعه )


ولما يمر الوقت وولاحظون الخلطه جفت مثل الحنه , ابتدوا فركوا


الجسم والوجه بايدكم فقط بدون ماء عشان تتخلصون من الجلد


الميت ولما تنتهون اطشطفوا عدل بماي باارد عشان تغلقون


المسامات .

للششششعررررر

هالخلطة مستحيل استغنى عنها مرة كل اسبوع
وعارفين فوائد السدر والجرجير للشعر
كثافة وطوول وتنبت الشعر

خلطة السدر المعروفة في المنتديات .. وضفت لها جرجير من عندي

واول خطوة لازم تزيتين شعرج .. السدر ينشف وماراح نغسله بشامبو لانه السدر بديل عن الشامبو


1/بصلة مقطعة 4 حبات +2 ثوم مقطعة انصاص +قفشة حلبة (اختياري )
تفوحينهم ع النار لما يصير لونهم اصفررر وتخلينه يدفى

2/ قفشتين سدر او الكمية الي تكفي شعرج +قفشة حبة البركة مطحونة

3/ نص حزمة جرجير نظييف واخذي الاوراق وحطيهم ع الخلاط
وبعدها ناخذ ماي البصل والثوم والحلبة هني يكون مشخوول ونخلطة مع الجرجير في الخلاط

4/ نشخل الماي والجرجير ونضيفه ع السدر ديروا بالكم خلطووه زين لايتكتل عليكم
ونخليه يتنقع 10 دقايق بالشمس

ولطخي فيه شعرج غرقييييية على الفروة ولبسي الكاب وخليه 3 ساعات او اكثر مثل مانتي حابه على شعرج
ولاتنسوون المساج ضروري

وغسليه بماي بس
وشيلي الباجي بحمام زيت وأنا أنصح بدابر فاتيكا لانه مغذي للشعر

والله يوفقك ويسعدك ويتمم لك على خير ان شاء الله واهم شيء يآختي الصلاة والدعاء و سورة البقرة
وبآذن الله كل شيء يتيسسر مثل لمح البصرر